-
2014-06-04 01:13
გიორგი ბახუტაშვილი და ია ფარულავა ერთმანეთს ახალ ქართულ კომედიაში - „ტაქსიში“ გადაეკვეთნენ. გიორგის გმირი, ლერი ახალბედა მსახიობია, იას გმირი თეატრის დირექტორია. ლერის როლების ხელში ჩაგდების მიზნით დირექტორთან რომანი აქვს.
ესეც, ისევე, როგორც ბევრი რამ ამ კომედიაში, რეალობიდან აღებული მომენტია. წყვილმა პირველი კომენტარი „PrimeTimeNews“-თან გააკეთა.
გიორგი ბახუტაშვილი: სცენარი რომ წავიკითხე, მივხვდი, რომ კარგი გამოვიდოდა. ნიჭიერი ხალხია და დარწმუნებული ვიყავი, კარგ ფილმს გადაიღებდნენ, მაგრამ მთლად ასეთ მაგარსაც არ მოველოდი. საღოლ. პირველი ფილმია მიშასთვის, მაგარი სტარტია და დარწმუნებული ვარ, მაგარ ფილმებს გადაიღებს. იმედი მაქვს კიდევ დავჭირდები.
- იცნობ ისეთ მსახიობ ბიჭებს როლის გამო რომ შეფებთან აბამენ რომანებს?
- არ ვიცნობ, თუმცა გამიგია, რომ არსებობენ.
ია ფარულავა: ძალიან საინტერესო და სახალისო იყო ამ ჯგუფთან მუშაობა. ყველაზე ძალიან მომეწონა ის, რომ ყველაფერი რაც ვნახე, იყო ქართული რეალობიდან.
მარიხუანას თემა, ჯაზმენებისადმი სნობი თბილისელების „ტრფიალი“, „პრადვინუტი“ და სტერეოტიპულად მოაზროვნე ადამიანები, ტაქსისტების ცხოვრება, მათზე ჩამოყალიბებული სტერეოტიპი და პროფესიული სოლიდარობა გვერდიდან, შეყვარებულობა ქართულად, მოსმენების თემა, ჩვენი მილიარდერის ზვიგენის და პინგვინის კერძო საკუთრებაში ყოლის ამბავზე „შუტკაობა“, საზოგადოებისგან გარიყული გეების მინორული განწყობა და იშვიათი პროგნოზი, ათეული წლების შემდეგ როგორ მოეღება გეების პარპაშს ბოლო - ყველაფერი ეს ფილმ „ტაქსიში“.