-
2014-06-03 15:39
საპარლამენტო უმრავლესობის ერთერთი ლიდერი გია ვოლსკი მიიჩნევს, რომ შესაძლოა, მარიხუანას გამო 7 წლის მისჯა ძალიან ბევრია, მაგრამ „რაღაც სასჯელი მაინც უნდა იყოს“, ხოლო მხოლოდ ჯარიმის დაწესება პრობლემას შექმნის.
ამის შესახებ გიორგი ვოლსკიმ „რეპორტიორის“ პრესკlუბში სტუმრობისას განაცხადა:
"ჯარიმა რა, წავა, მოწევს, მერე მამამისი ვალს აიღებს, მე მომადგება, მეტყვის: იპოთეკარი ვარ, მიშველეთო. იპოთეკარებშიც უამრავი ადამიანი "გაჭედილია" იმიტომ, რომ შვილმა რაღაც გააკეთა... შეიძლება შვიდი წელის მისჯა ბევრია, მაგრამ სასჯელის რაღაც ფორმა აუცილებლად უნდა იყოს“, - თქვა ვოლსკიმ.
მისი თქმით, ის „ტიპები“, ვინც მარიხუანას მოხმარების დეკრიმინალიზაციის მოთხოვნით გამოდიან, ლიბერალები არიან და ქუჩას არ იცნობენ, ამიტომაც არ იციან, რომ შეღავათი ნებისმიერ ნარკოტიკზე ჯაჭვურ რეაქციას გამოიწვევს:
„პონპონჩიკიანი ტიპები, რომელსაც თქვენ ხედავთ, ლიბერალური ადამიანები არიან, ლიბერალური ფასეულობებით - ხშირ შემთხვევაში კულტურასთან უფრო ახლოს, ვიდრე - ქუჩასთან. ქუჩას არ იცნობენ. ქუჩა ძალიან დაუნდობელია. იქ ნებისმიერი შეღავათი ნებისმიერ ნარკოტიკზე ჯაჭვურ რეაქციას გამოიწვევს, რასაც სერიოზული დამაზიანებელი შედეგი ექნება პატარა ნაწილისათვის, თორემ ჰოლანდიაში კაფეში შედიან და უნივერსიტეტის პროფესორები სტუდენტებთან ერთად აბოლებენ",- განაცხადა გია ვოლსკიმ „რეპორტიორის“ პრესკლუბში.