ბიძინა კუჭავას ოჯახის წევრები გამოძიებას უნდობლობას უცხადებენ. კუჭავას მეუღლე მარინა ნიკოლოზაშვილი ამბობს, რომ ის გამორიცხავს როგორც ბიძინა კუჭავას მიერ ვახტანგ (პაატა) ქირიას მკვლელობას, ასევე კუჭავას თვითმკვლელობას.
მარინა ნიკოლოზაშვილი ამბობს, რომ პროკურატურაში 18 საათის განმავლობაში იკითხებოდა, ხოლო დაკითხვის დასრულებამდე მისთვის უცნობი იყო მისი მეუღლის გარდაცვალების შესახებ: "აბსურდია, პაატა ქირიას შესახებ, ჩვენ ოჯახებით ახლო ურთიერთობა გვქონდა", - განაცხადა ნიკოლოზაშვილმა.
ბიძინა კუჭავას ოჯახის წევრებმა მედიასთან კომენტარი მათივე სურვილით გააკეთეს. მათი თქმით, ექსპერტიზის პასუხის შემდეგ პრესას დამატებით ინფორმაციას მიაწვდიან.