2015-11-27 15:14

თბილისის 123-ე საბავშვო ბაღში, რომელიც დიდ დიღომში მდებარეობს, გუშინ საღამოს მომხდარი ინციდენტის გამო დღეს სამართალდამცველები იმყოფებიან. ბაღების სააგენტოს შეატყობინეს, რომ ერთერთი ბავშვის ნასვამმა მშობელმა (მამამ) ბიჭს იარაღი მისცა და მოუწოდა, ესროლა მათთვის, ვინც აბრაზებდა.

ამასთან, სამაღთალდამცველები, რომლებიც 123-ე ბაღში მუშაობენ, არც უარყოფენ და არც ადასტურებენ, რომ იქ იარაღტან დაკავშირებით გავრცელებული ინფორმაციის გამო იმყოფებიან. მათი თქმით, ისინი ინციდენტს სწავლობენ.

როგორც „ინტერპრესნიუსი“ იტყობინება, ბაღის დირექტორი ადასტურებს, რომ ცოლთან ერთად მოსულმა ნასვამმა მამაკაცმა შვილს იარაღი მისცა, თუმცა, დანამდვილებით ვერ ამბობს, იარაღი ცეცხლსასროლი იყო თუ სათამაშო. მომხდარის შესახებ ბაღების სააგენტოს სწორედ დირექტორმა შეატყობინა, რის შემდეგაც ბაღში საპატრულო პოლიცია მივიდა. სასწავლო პროცესი ბაღში არ შეწყვეტილა.