2015-09-21 12:26

საპატრულო პოლიციის თანამრომელმა, რომელიც 1994 წელს დაბადებულმა ნიკა ბ.-მ გუშინ დანით ყელსა და მუცელში დაჭრა, თავად მოახერხა თავდამსხმელის შეჩერება, რის შემდეგაც ის დააკავეს. 

პოლიციელს გადაუდებელი ოპერაციები ღამით ჩაუტარდა, თუმცა, მისი მდგომარეობა ამ დრომდე კრიტიკულია. შსს-ს გლდანი-ნაძალადევის სამმართველოს თანამშრომლებმა, ჩატარებული ოპერატიულ-საგამოძიებო ღონისძიებების შედეგად, 1994 წელს დაბადებული ნიკა  ბ. პოლიციელზე თავდასხმის ბრალდებით დააკავეს.

გამოძიებამ დაადგინა, რომ ნიკა ბ-მ მეტროსადგურ „ახმეტელის თეატრის“ ფოიეში საპატრულო პოლიციის თანამშრომელ ირაკლი ს-ს, რომელიც სამსახურებრივ მოვალეობას ასრულებდა, დანით რამდენიმე ჭრილობა მიაყენა და მიმალვა სცადა. საპატრულო პოლიციის თანამშრომლის - ირაკლი ს-ს ჯანმრთელობის მდგომარეობა ამ დროისთვის მძიმეა.

დაჭრილი პოლიციელი შინაგან საქმეთა მინისტრმა გიორგი მღებრიშვილმა საავადმყოფოში მოინახულა. 

ქირურგიის ეროვნული ცენტრის წარმომადგენლის თეა გამეზარდაშვილი განცხადებით, დიდი რაოდენობის სისხლის დაკარგვის გამო მდგომარეობა იყო უკიდურესად მძიმე, ჩაუტარდა სასწრაფო, გადაუდებელი ოპერაცია. მდგომარეობა კვლავ მძიმე რჩება.

„აღენიშნებოდა მრავლობითი ჭრილობები, დიდი სისხლის დანაკარგი, რის გამოც, მისი მდგომარეობა იყო უკიდურესად მძიმე. სასწრაფოდ ჩაუტარდა გადაუდებელი ოპერაცია, ოპერაციის შედეგად მოხერხდა იმ მაგისტრალური სისხლძარღვებისა და კუნთოვანი ქსოვილის აღდგენა, რაც დაზიანებული ჰქონდა ავადმყოფს. 

ამჟამად მისი მდგომარეობა რჩება კვლავ ძალიან მძიმე, იმყოფება რეანიმაციის განყოფილებაში და გრძელდება მისი მკურნალობა“,-განაცხადა გამეზარდაშვილმა.

გამოძიება პოლიციელზე ან ხელისუფლების სხვა წარმომადგენელზე თავდასხმის ფაქტზე მიმდინარეობს (საქართველოს სსკ-ის 353-ე პრიმა მუხლის მე-3 ნაწილით).