2015-08-18 15:35

ჩოხატაურის მუნიციპალიტეტის სოფელ გოგოლესუბანში ცოლმა ქმარი დაჭრა. შემთხვევა გუშინ მოხდა. 65 წლის მამაკაცს ჭრილობა ცოლმა ურთიერთშელაპარაკების დროს დანით მიაყენა.

როგორც "რუსთავი-2" იტყობინება, დაჭრილი მამაკაცი საავადმყოფოშია გადაყვანილი. მას ოპერაცია ჩაუტარდა. ექიმების თქმით, ამ დროისთვის მისი მდგომარეობა სტაბილურია. 

მომხდართან დაკავშირებით გამოძიება  სისხლის სამართლის კოდექსის 117-ე მუხლის პირველი ნაწილით მიმდინარეობს, რაც ჯანმრთელობის განზრახ მძიმე დაზიანებას ითვალისწინებს.