2015-07-03 12:20

თბილისში, ვაშლიჯვარში გამოძახებული სასწრაფო დახმარების ბრიგადა ახალგაზრდა მამაკაცის მხრიდან დანით მუქარის ობიექტი გახდა, რის შემდეგაც ექიმები მანქანაში შეიკეტნენ და დახმარება რაციით ითხოვეს. ახალგაზრდასთან ერთად, ექიმებს მამამისიც ემუქრებოდა.

როგორც პორტალი "კვირა" წერს, გამოძახებულ ბრიგადას ადგილზე ახალგაზრდა დახვდა, რომელიც დანის მუქარით ითხოვდა იმავე კლინიკაში გადაყვანას, სადაც ოპერაცია ჩაუტარდა. ახალგაზრდა ამტკიცებდა, რომ ნაოპერაციევმა შეაწუხა. როცა ექიმებმა მას აუხსნეს, რომ საავადმყოფოში მისი გადაყვანის კლინიკასთან შესათანხმებლად დრო დასჭირდებოდათ, ახალგაზრდა გაღიზიანდა და ექიმებს დანით დაემუქრა, რის შემდეგაც ისინი მანქანაში შეიკეტნენ და დახმარება რაციით ითხოვეს. ახალგაზრდამ სასწრაფო დახმარების მანქანის საბურავები დასერა. 

ადგილზე მისულმა სამართალდამცველებმა და სასწრაფოს სხვა ეკიპაჟმა აღგზნებული ახალგაზრდა კლინიკაში გადაიყვანეს. როგორც შსს აცხადებს, ამ ფაქტთან დაკავშირებით ორი პირია დაკავებული, ერთერთი პაციენტის მამაა.