2015-05-20 12:46

ცნობილი ბრიტანელი ჟურნალისტი ჯეიმს კრიკორიანი, რომელიც პოპულარული დასავლური გამოცემებისთვის მუშაობს და ამავდროულად, მედიაკონსულტანტიცაა, თბილისში დააყაჩაღეს.

რა ზარალი მიადგა ჯეიმს კრიკორიანს, ამ დრომდე დაზუსტებული არ არის. ინფორმაცია დაყაჩაღების შესახებ ჯეიმს კრიკორიანმა სოციალურ ქსელში თავად გაავრცელა და დაამატა, რომ ეს პირველი შემთხვევაა მის პრაქტიკაში, როცა თბილისში დააყაჩაღეს.

კრიკორიანი სამხრეთ კავკასიის რეგიონში 1998 წლიდან მუშაობს. ის ჟურნალისტი და ფოტოგრაფია. მისი სტატიები და ფოტოები ქვეყნდება ისეთ გამოცემებში, როგორებიცაა The Los Angeles Times, The Wall Street Journal, BBC, National Geographic და სხვები. 

სააგენტო "აქცენტი", რომელმაც ჟურნალისტის დაყაჩაღების შესახებ ინფორმაცია გაავრცელა, შსს-ს დაუკავშირდა, სადაც განაცხადეს, რომ ჟურნალისტის დაკითხვის შემდეგ გაირკვევა, დაიწყება თუ არა გამოძიება მომხდარ ფაქტთან დაკავშირებით.