2015-05-15 15:11

თბილისში, ფალიაშვილის ქუჩაზე ახალგაზრდა ბიჭი დაჭრეს. ინფორმაციას შსს ადასტურებს. დაჭრილი საავადმყოფოშია გადაყვანილი. ინფორმაციას მომხდარის შესახებ "კურიერი" ავრცელებს. 

თვითმხილველთა თქმით, სავარაუდოდ, ბიჭი დანით დაჭრეს, თუმცა, ისინი ვერ ამბობენ, რა კონფლიქტი უძღოდა წინ დაჭრას და ვინ იყვნენ ინციდენტში მონაწილე პირები. ამ დროისთვის არ სახელდება დაჭრილის ვინაობაც. "კურიერის" ინფორმაციით, ახალგაზრდა დანით დაჭრეს და მისი მდგომარეობა მძიმეა. 

ინციდენტი ფალიაშვილის 80-თან მოხდა. დაჭრილმა შემთხვევის ადგილიდან გაქცევა შეძლო, თუმცა, დაახლოებით 100 მეტრის გავლის შემდეგ გზა ვეღარ გააგრძელა. ის ქუჩაში, სკამზე დასვეს და სასწრაფო დახმარება და პატრული მოქალაქეებმა გამოიძახეს.