2015-03-21 10:27

ყაჩაღობა მოხდა გვიან ღამით ზუგდიდის რაიონის სოფელ ჩხორიაში, სადაც თემურ თორდიას ოჯახს 5 შეიარაღებული პირი დაესხა თავს. 

შეიარაღებულმა პირებმა ოჯახის ყველა წევრი გაკოჭეს, მამა შვილი თორდიები კი სასტიკად აწამეს. როგორც ოჯახის წევრები აცხადებენ, წამებისთვის თავდასმელები უთოს და გაცხელბულ დანას იყენებდნენ. 

ყაჩაღური ჯგუფი ოჯახისგან ძვირფასეულობას და 40 000 დოლარს ითხოვდა. მათ ოჯახი მას შემდეგ დატოვეს რაც თემურ თორდიას წამებისგან გული წაუვიდა. 

არსებული ინფორმაციით, თავდასხმელებმა ოჯახიდან 10 000 დოლარის ოქროულობა და 2500 ლარი წაიღეს. დაზარალებულები ამ დროისთვის ზუგდიდის რესპუბლიკურ საავადმყოფოში არიან გადაყვანილები. 

მომხდარზე დაწყებულია გამოძიება. თორდიების ოჯახში კი რამდენიმე საათის განმავლობაში ვითარებას კრიმინალური პოლიცია სწავლობდა. 

"რუსთავი-2"