2015-03-12 18:58

პარტია „თავისუფალ საქართველოში“ აცხადებენ, რომ პარტიის თავმჯდომარე კახა კუკავა შინაგან საქმეთა სამინისტროსთან დააკავეს.

კუკავა უწყებაში პირად საქმეზე იმყოფებოდა, როდესაც მას თავს დაესხა ორგანიზაცია „თავისუფალი თაობის“ ლიდერი ლადო სადღობელაშვილი.

„შსს-ს თანამშრომლებმა ინციდენტის შემდეგ, გაუგებარი მიზეზით კახა კუკავა დააკავეს.

ის ამ დრომდე რჩება პატიმრობაში.

„თავისუფალი საქართველო“ მოითხოვს, დაუყოვნებლივ გათავისუფლდეს პარტიის ლიდერი და შინაგან საქმეთა სამინიტრომ გააკეთოს განმარტებები ინციდენტთან დაკავშირებით", - აცხადებენ პარტიაში.

შინაგან საქმეთა სამინისტროს ინფორმაციით, "თავისუფალი საქართველოს" ლიდერს, კახა კუკავას ლადო სადღობელაშვილთან სიტყვიერი დაპირისპირება მოუვიდა და სამართალდამცავებმა ის ადმინისტრაციულ სამართალდარღვევათა კოდექსით, წვრილმანი ხულიგნობის ფაქტზე დააკავეს.