2015-03-05 16:20

"ინტერპრესნიუსის" ფოტოკორესპონდენტის ირაკლი გედენიძის ცემისთვის დაკავებული 21 წლის ივანე ბეგიაშვილის მამა ის "კეპიანი პოლიტიკოსი" აღმოჩნდა", რომელიც ჟურნალისტს აკავებდა, ამ დროს კი გედენიძეს მისი შვილი ურტყამდა. 

"პარტიამ მიიღო გადაწყვეტილება გიორგი ბეგიაშვილის გარიცხვის შესახებ. ჩვენ მას ავუხსენით, რომ რის წინააღმდეგაც პარტია იბრძვის 10 წელია და რასაც ჩვენ თვითონ ვგმობთ, იმას ვერ გავამართლებთ", - განაცხადა კახა კუკავამ. 

კუკავას თქმით, ფოტოგრაფის ცემის ფაქტზე, ივანე ბეგიაშვილი პოლიციას თვითონ ჩაბარდა და სიმართლეს არ შეესაბამება შსს-ს მიერ გავრცელებული ინფორმაცია, თითქოს იგი საგამოძიებო ღონისძიებების შედეგად იქნა დაკავებული. 

"მამამ საკუთარი ხელით ჩააბარა იგი პოლიციას. ჩვენ თვითონ გავუკეთეთ ამას ორგანიზება", - განაცხადა კახა კუკავამ.

შეგახსენებთ, "კეპიანმა" კამერების მოსვლის შემდეგ უარყო, რომ გედენიძის ცემის ფაქტის შემსწრე გახდა.