2015-02-11 07:34

იური ვაზაგაშვილის მკვლელობაში ბრალდებულის, გია სოსანაშვილის ადვოკატის განცხადებით, რომელიც მან თოქშოუ "არჩევანში" გააკეთა, ირკვევა, რომ ასაფეთქებელი მოწყობილობა დილეტანტის მიერ იყო დამონტაჟებული. 

სოსო ჯოგლაძე ამბობს, რომ ასაფეთქებელი მოწყობილობის ასეთ ადგილზე დამონტაჟებით შეუძლებელი იყო, რომელიმე პირის ლიკვიდაციის დაგეგმვა. ჯოგლიძის განცხადებით, იური ვაზაგაშვილი შემთხვევით აფეთქებას ემსხვერპლა. 

მას მიაჩნია, რომ ასაფეთქებელი საშუალების მიზანი ვაზაგაშვილების ოჯახის ან ადგილობრივი მოსახლეობის დაშინებას ისახავდა მიზნად. 

თოქშოუ "არჩევანში" გია სოსანაშვილის ადვოკატმა, სოსო ჯოგლიძემ, აღნიშნა, რომ მისი დაცვის ქვეშ მყოფი სოფელ ყარაფილაში 19 იანვარს მივიდა. ჯოგლიძე ამბობს, რომ ამ ინფორმაციას ადგილობრივებიც ადასტურებენ. 

უფლებადამცველის განცხადებით, 19 იანვრის ღამით თავად ვაზაგაშვილების ოჯახის გადაწყვეტილებით სასაფლაო გაიწმინდა, შესაბამისად, სასაფლაოზე ასაფეთქებელი საშუალება 19 იანვარს არ დამონტაჟებულა. 

"რუსთავი-2"