2015-02-09 23:22

8 თებერვალს, პრემიერის საცხოვრებელ კორპუსში, მოსაშვილის 12 ნომერში, ირაკლი ღარიბაშვილის მეზობლად მცხოვრები პიროვნება  კ. (ვინაობას არ სახელდება) აივნიდან მეზობელ კორპუსში მეგობარს ეძახდა, რის გამოც კორპუსთან მდგომმა დაცვამ შენიშვნა მისცა.

შენიშვნას კ-ს მხრიდან გინება მოყვა.

დაცვის სამსახურმა გინებაზე საპატრულო პოლიცია გამოიძახა, რომელიც მისვლისთანავე მოქალაქის ბინაში ავიდა.

გავრცელებული ინფორმაციით, პატრულსა და კ-ს შორის დაპირისპირება მოხდა, რის შემდეგაც პიროვნება დააკავეს.

„პირველმა რადიომ“ აღნიშნული ინფორმაციას შსს-ს პრესსამსახურთან გადაამოწმა, სადაც დაადასტურეს, რომ მოსაშვილის 12-ში მამაკაცი ადმინისტრაციულ სამართალდართღვევათა კოდექსის 166 და 173-ე მუხლებით მართლაც დააკავეს, რაც წვრილმან ხულიგნობასა და პოლიციისთვის წინააღმდეგობის გაწევას გულისხმობს.

არსებული ინფორმაციით, კ. სასამართლომ გუშინვე, 250 ლარიანი ჯარიმით გაათავისუფლა.