2015-02-04 14:26

გავრცელებული ინფორმაციით, მამაკაცის მხრიდან ბავშვზე ძალადობის შემთხვევა რამდენიმე დღის წინ მოხდა.

45 წლის მამაკაცმა ბავშვი საცხოვრებელი ბინის ეზოდან მაღაზიაში გასასეირნებლად მოტყუებით წაიყვანა, თუმცა რადგან თემა არასრუწლოვან ბავშვს ეხება, „ნიუპოსტი“ დამატებითი დეტალების გახმაურებისაგან  თავს იკავებს.

„იმ დღეს ბავშვი ბაღში იყო, ბაღიდან 6 ნახევარზე წაიყვანა მამამ, ის 5 წლიან ჯგუფში სწავლობს, დანარჩენი ჩვენ არაფერი არ ვიცოდით, გავიგეთ მაშინ, როცა ბაღის გამგეს ბავშვის დახასიათება მოსთხოვეს. ბაღის გამგის თქმით, ის არაჩვეულებრივი და უნიჭიერესი ბავშვია.” – აცხადებს ჩოხატაურის ბაღების გაერთიანების უფროსი, ნინო ბარამიძე.

ოჯახის განცხადებით, აღნიშნულზე კომენტარის გაკეთების უფლება, გამოძიების დასრულებამდე არა აქვთ. ერთადერთი, რისი თქმაც ამჟერად შეძლეს, არის ის, რომ დაკავებული მათი მეზობელია და მან ბავშვი საცხოვრებელი ბინის ეზოდან მოტყუებით ბაღიდან მოსვლის შემდეგ გაიყვანა.

გარყვნილი ქმედებაში ბრალდებული მამაკაცი დაკავებულია. ბრალის დამტკიცების შემთხვევაში მას 5-დან 7 წლამდე თავისუფლების აღკვეთა ემუქრება.