2015-01-09 16:11

მოკლული კობა აღლემაშვილის ცხედარი სამხარაულის ექსპერტიზის ბიუროდან სახლში გადაასვენეს.

ოჯახის წევრების და ახლობლების ინფორმაციით, აღლემაშვილს თავის არეში ბლაგვი საგნით მიყენებული მრავლობითი ჭრილობები აღენიშნება.

„იმდენჯერ აქვს თავში ჩარტყმული, რომ თავი საერთოდ აღარ აქვს.

საშინელი სანახავია, მოვითხოვ დამნაშავის უმკაცრესად დასჯას,“ - აცხადებს გარდაცვლილის მამა, ზურაბ აღლემაშვილი.

ოჯახის წევრების მტკიცებით, გარდაცვლილს თავს პოლიციელი დაესხა და ის უკვე დაკავებულია.

მკვლელობის თვითმხილველები ვაზისუბნის პოლიციაში მთელი ღამის განმავლობაში იკითხებოდნენ. მათ გამომძიებლებს მომხდარის შესახებ ინფორმაცია მიაწოდეს.

არსებული ინფორმაციით, კობა აღლემაშვილს თავს 6 თვის წინაც დაესხნენ. მაშინ მას სასტიკად გაუსწორდნენ და გაძარცვეს.

რა მოტივით მოხდა ამჯერად თავდასხმა აღლემაშვილზე, უცნობია.