2014-12-29 17:44

„პრაიმკრაიმის“ ინფორმაციით, პარასკევს მოსკოვში, სასტუმრო „რედისონ ბლუში“ სამი ე.წ. კანონიერი ქურდი დააკავეს. დაკავებულია 44 წლის დავით ოზმანოვი, იგივე დათო კრასნოდარსკი, 28 წლის შალვა ოზმანოვი, იგივე კუსო და 32 წლის მალხაზ კოტუა, იგივე მახო ოჩამჩირსკი.

სამივე ე.წ. ქურდი მოსკოვში სანკტ-პეტერბურგიდან ჩავიდა, რათა შაქრო კალაშოვის მიერ მოწვეულ „სხოდკაში“ მიეღო მონაწილეობა, რომელიც ამ დღეებშია დაგეგმილი.

სამართალდამცველებმა დაკავებულ კრიმინალურ ავტორიტეტთაგან ერთერთს - მახო კოტუას 2,7 გ ოდენობის ჰეროინი უპოვეს, რაც 3-დან 10 წლამდე თავისუფლების აღკვეთას ითვალისწინებს. დანარცენი ორი „ავტორიტეტი“, რომლებსაც „შაქრო მოლოდოის“ ნათესავებად იცნობენ, ოფიციალური გასაუბრების შემდეგ გაათავისუფლეს.