ბათუმში, გვიან ღამით ორმხრივი სროლისას კრიმინალური პოლიციის თანამშრომელი მოკლეს. დაჭრილია კიდევ ორი ადამიანი. გარდაცვლილ, თარეშ მუკბანიანს, სავარაუდოდ, რამაზ დევდარიანმა ესროლა.
,,კურიერის” ინფორმაციით, დევდარიანი კრიმინალური ავტორიტეტის, ლავასოღლი ბატუმსკის, თანამზრახველია.
სავარაუდოდ, ეჭვმიტანილი ამ დროისთვის დაკავებულია. მისი აყვანა კი ნეიტრალურ ტერიტორიაზე მოხდა, როდესაც დევდარიანი თურქეთში გადასვლას ცდილობდა.
გამოძიებით დადგინდა, რომ 27 დეკემბერის ღამეს, ბათუმში, ერთ-ერთ კლუბში, ბრალდებულმა ცეცხლსასროლი იარაღის გამოყენებით თავის არეში სასიკვდილო ჭრილობა მიაყენა შსს-ს აჭარის მთავარი სამმართველოს ბათუმის საქალაქო სამმართველოს მეშვიდე განყოფილების უმცროს ინსპექტორს, თარეშ მუკბანიანს, რომელიც მიყენებული ჭრილობის შედეგად ადგილზე გარდაიცვალა, ხოლო რამაზ დევდარიანი შემთხვევის ადგილიდან მიიმალა.
გამოძიება განზრახ მკვლელობის ფაქტზე მიმდინარეობს.
