2014-12-22 08:46

17 გრამი ოქრო და ბავშვის ფეხსაცმელები არ დახვდა ამანათში ზუგდიდის ვლაქერნის ღვთისმშობლის ხატის სახელობის ეკლესიაში მოღვაწე სასულიერო პირს.

საქართველოს ფოსტაში მან საბერძნეთიდან განბაჟებული ამანათი მიიღო, რომელსაც დოკუმენტაცია თან ახლდა, თუმცა შიგნით არაფერი იდო.

ეს პირველი შემთხვევა არ არის - საქართველოს ფოსტაში ცოტა ხნის წინ მოქალაქემ ისევ საბერძნეთიდან 10 ათასი დოლარის ღირებულების ოქროს განბაჟების დოკუმენტაცია მიიღო, თუმცა სამკაული ამანათში არ დახვდა.

საქართველოს ფოსტის ზუგდიდის ფილიალში აცხადებენ, რომ ამანათები მათთან თბილისიდან ქუთაისის გავლით მოდის და პასუხისმგებლობას დაკარგულ ნივთებზე არ იღებენ.