უმრავლესობის წარმომადგენლის, ოთარ ჩრდილელის მიერ სოციალურ ქსელში გამოქვეყნებულ ფოტოს მსახიობი ეკა ნიჟარაძე გამოეხმაურა.
ფოტო „ნაციონალური მოძრაობის" აქციაზეა გადაღებული და მასზე აქციაში მონაწილე მსახიობები არიან აღბეჭდილნი.
ჩრდილელი წერდა, რომ ეს მსახიობები ხელფასებს ბიძინა ივანიშვილისგან იღებდნენ, მხარს კი „ნაციონალებს“ უჭერენ.
„აი, როგორც იქნა მეც მოვიცალე მათთვის, ვინც 21 მარტს დილიდან, გვიან ღამემდე კარგად გაერთო.
საინტერესოა 22- ში რითი დაკავდნენ?.. ვგულისხმობ იმათ, ვინც "ჰა ჰა ჰა-"ს თანხლებით სრულიად მოურიდებლად ბევრი საზიზღრობა დაწერეს აქ ჩემზე და ჩემს მეგობრებზე მხოლოდ იმიტომ, რომ ჩვენ განსხვავებული აზრი გვაქვს რაღაცებზე.
ზოგს გული ერეოდა და შვილებს გვიწყევლიდა, ზოგს აინტერესებდა აფთერფართი სად გვაქვს...
არ მოგნიშნავთ, იმიტომ, რომ ვიცი, წაიკითხავთ და ძალიან კარგად მიხვდებით ვის ვგულისხმობ. აი, ზუსტად ისე, როგორც მე მივხვდი.
ახლა კი ერთი მარტივი შეკითხვა: როგორ ფიქრობთ რატომ გვიხდის ბიძინა ივანიშვილი ფულს?
1) იმიტომ, რომ მეცენატია და ბევრი წლის წინ გაუჩნდა სურვილი გარკვეული კატეგორიის და პროფესიის ადამიანებს დაეხმაროს (რისთვისაც ჩვენ მადლობლები ვართ) თუ იმისთვის, რომ მისი ყურმოჭრილი მონები ვიყოთ და მიუხედავად განსხვავებული აზრისა, მაინც ვერ ვბედავდეთ ხმის ამოღებას?!
2) მე მგონი "მეგობრებო" თქვენ ძალიან, ძალიან ცუდი წარმოდგენის ყოფილხართ მასზე! თქვენი მიმოწერიდან გამოდის, რომ ქრთამს გვაძლევს, გვყიდულობს!
ჩვენ ქვეყანაში კი , ქრთამის როგორც აღება, ასევე მიცემა კანონით ისჯება!
2) ჩემი და ჩემი მეგობრების აზრი და პოზიცია ყველამ ძალიან კარგად იცის (ვინმე ღვთისნიერი მიაწვდენდა ხმას), რის შემდეგაც მას თავისუფლად შეეძლო შევეყვანეთ "შავ სიაში" და მოეხსნა დაფინანსება, რომელიც ნახევარ საქართველოს გულზე ადგას.
"როგორ თუ ამ "ბოზებს" უხდიან და ჩვენ ვინც სახე დავიხოკეთ, აყროლებულ გალიებში თვეები გავატარეთ, გადავაგდეთ ძველი, სისხლიანი მთავრობა და მოვიყვანეთ ახალი, მაღალი ღირებულებების მქონე და არც არაფერს არ გვიხდიანო!"
მართლაც საშინელი უსამართლობაა, მაგრამ ჩვენ მისთვის არაფერი გვითხოვია. ასე რომ, პრეტენზიები სხვა მისამართზე გაუშვით!
ბუნებრიავია, აქ აღარაფერს ვწერ წვრილმანებზე, როგორებიც არიან: უმრავლესობის დეპუტატი ვინმე ოთარ ჩრდილელი და კიდევ სრულიად გაუგებარ ხალხზე, რომლებმაც დაბომბეს ჩემი ინბოქსი.
კიდევ ერთი, ვისაც გული ერევა დრამინა და ცივი წყალი დალიოს ან წამშალოს ფრენდებიდან, თორემ თუ სადმე შემხვდებით სიტყვებით "ოქრიკო" "რა ლამაზი ხარ" "ძააან მიყვარხარ" და ა.შ. შეიძლება უკვე მე ამერიოს გული,''- წერს სოციალურ ქსელში ეკა ნიჟარაძე.
P.S. შეგახსენებთ, რომ სოციალურ ქსელში გავრცელდა ოთარ ჩრდილელის სახლის ფოტო, რომელიც სამტრედიაში ჩიქოვანის ქუჩა N5-ში მდებარეობს და რომლის ნომერიც, კახი კალაძის წყალობით ჩრდილელის პარლამენტში დაბინავების შემდეგ, ასე გამოიყურება: 4+1. სწორედ ამაზე იტყვიან ხოლმე, კომეტარი ზედმეტიაო...
