2015-03-03 15:21

ქართული ლარის დევალვაციამ და დოლარის ფასის გაზრდამ სასურსათო პროდუქციისა და პირველადი მოხმარების  საგნების გაძვირება გამოიწვია.

ხელისუფლების ეკონომიკურ გუნდში აცხადებდნენ, რომ გაზის ფასს პურის ქარხნებს არ გაუზრდიდნენ და პურ-ფუნთუშეულზე ფასის ზრდას ამ გზით შეაჩერებდნენ.

თუმცა, როგორც გაირკვა, დღეიდან პურის ფასი 10 თეთრით მაინც გაძვირდა.

შესაბამისად, მოსახლეობა 70 თეთრიან პურში 80-ს, ხოლო 80 თეთრიან პურში 90 თეთრს გადაიხდის.

ამასთან, სასურსათო მაღაზიებში ვერ აკონკრეტებენ, უნდა ელოდოს თუ არა მოსახლეობა პურის ფასის კიდევ უფრო ზრდას, თუმცა ვარაუდობენ, რომ ეს ასე არ მოხდება.