2015-02-23 12:15

გავრცელებული ინფორმაციით, „ქართული ოცნების“ კულუარებში უკვე ღიად საუბრობენ, რომ ირაკლი ღარიბაშვილი რამდენიმე მინისტრის მოხსნას აპირებს.

„როგორც „ქრონიკას“ აცნობეს, ორი მინისტრი მოსახსნელად გამზადებულია - ნოდარ ხადური და რეგიონული განვითარებისა და ინფრასტრუქტურის მინისტრი დავით შავლიაშვილი.

მათ მოხსნაზე ივანიშვილი თანახმაა.

ჯერ კითხვის ნიშნის ქვეშ დგას სოფლის მეურნეობის  და გარემოს დაცვის მინისტრების - ოთარ დანელიასა და ელგუჯა ხოკრიშვილის გადაყენების საკითხი.

ივანიშვილს ჯერ მათ წასვლაზე დასტური არ მიუცია, თუმცა ეს თემა განხილვის საგანია", - წერს გამოცემა.