ქართველი ჟურნალისტი, თეა თუაშვილი სოციალურ ქსელში „ოსკარზე“ წარდგენილი ქართულ ფილმისა და ქართველი მსახიობების შესახებ წერს.
„თქვენი არ ვიცი, ამერიკაში ვინც ცხოვრობთ, მაგრამ მე წინასწარ მაჟრიალებს და გული მიჩქარდება მიშა მესხს, ზაზა ურუშაძეს და გიორგი ნაკაშიძეს წითელ ხალიჩაზე რომ დავინახავ.
ეს ყველაფერი "ი" ჩენელზე კვირას 22 თებერვალს საღამოს 4 საათზე პირდაპირ ეთერში იწყება. საღამოს უკვე დაჯილდოების ცერემონიაა. ოსკარების დღე ამერიკაში ბევრ ოჯახში ისეთი დღესასწაულის ტოლფასია თითქმის, როგორიც არის 4 ივლისი, დამოუკიდებლობის დღე.
ამ დღეს ბევრ ოჯახში იკრიბებიან მეგობრები ოსკარ-ფართიზე, სვამენ ღვინოს და თავიანთ ფავორიტ მსახიობს თუ რეჟისორს, ფილმს ერთად გულშემატკივრობენ. ამერიკელებს უყვართ კინო, ფილმები სიკეთის შესახებ.
„მანდარინები“ არის სიკეთეზე, სისასტიკის და დაუნდობლობის სიტუაციაში კეთილი ადამიანების მოქმედებაზე. ამიტომაც არის ის საუკეთესო 5 ფილმს შორის. დიდი წარმატება მანდარინებს! მინდა ეს დღე საქართველოშიც იქცეს დღესასწაულად!“, - წერს თეა თუაშვილი.
