2015-02-19 15:33

ტელეწამყვან თიკო სადუნიშვილის თქმით, თაყვანისმცემელთა ყურადღებას პატარა ასაკიდანვე არ უჩიოდა. 9 წლის იყო პირველად, მამრობითი სქესის წარმომადგენელი მისი პიროვნებით  რომ დაინტერესდა.

„12 წლისას ერთმა თაყვანისმცემელმა სკოლაში მომაკითხა და მითხრა  - მომწონხარო.

15 წლისას უკვე სერიოზულად შემიყვარდა, 16-ის კი უკვე გავთხოვდი კიდეც...

„კინოს სახლში“ მსახიობის ოსტატობაზე დავდიოდი. ჩემს მეგობარ გოგონას შეყვარებულმა მოაკითხა.

მასთან ერთად იყო ჩემი მომავალი მეუღლე  - მიშა ბალუაშვილიც. იმ დღეს „ყავის სახლში“ დაგვპატიჟეს. ნელ-ნელა აეწყო ჩვენი ურთიერთობა. არაფერი ხდებოდა დაგეგმილად.

გრძნობას მოჰყვა სიყვარულისა ახსნა და პირველი კოცნა. ერთ მშვენიერ დღეს კუს ტბაზე  პიკნიკი მოვაწყვეთ და პირველად მაშინ მაკოცა.

ემოციით ისეთი დამუხტული ვიყავი, იმ ღამეს არ მიძინია. უფრო მეტიც, იმ ღამეს კი არა, მგონი, გათხოვებამდეც არ მიძინია...

გაცნობიდან ცხრა თვეში გავყევი მიშას ცოლად“, -  აღნიშნა თიკო სადუნიშვილმა.

„გზა“