2015-02-18 22:31

ასტროლოგმა დავით ბუტიკაშვილმა მომღერალ ლელა წურწუმიას ავტომობილის მართვის დროს სიფრთხილის გამოჩენა ურჩია.

„მის ცხოვრებაში პრობლემები შეიძლება გამოიწვიონ კირჩხიბის ზოდიაქოს ნიშნით დაბადებულმა ადამიანებმა.

ამ ადამიანების ლოგიკა ხშირად შეეწინააღმდეგება მისი წარმატებების გზას.

ამიტომ ის უკეთესი მრჩეველია ამ ადამიანებისთვის, ვიდრე პირიქით.

შავი მთვარე (კარმული ვალების პლანეტა) მის ჰოროსკოპში იმყოფება ტყუპების ზოდიაქოში. ეს ფაქტი მიუთითებს, რომ მოსალოდნელია კარმული ვალების გასტუმრებამ მოუწიოს სანათესაოსთან ურთიერთობებში.

კერძოდ, შესაძლოა, ასეთ ადამიანს ხშირად უწევდეს რაიმე დახმარების გაწევა სანათესავოს მიმართ. აგრეთვე, თუ ასეთი ადამიანი მართავს ავტომობილს, სიფრთხილეა საჭირო, განსაკუთრებით 9-ის ჯერად ასაკებში (ეს არის 18, 27, 36, 45, 54, 63 და ა.შ. წლის ასაკები). უმჯობესია, ამ ასაკების შესაბამის პერიოდებში საჭესთან არ დაჯდეს,“ - აცხადებს დავით ბუტიკაშვილი.

„21 წელია საჭესთან ვზივარ და კარგი მძღოლი ვარ. კაცივით დამყავს მანქანა, ქალივით – არა (იცინის). შეიძლება ქალებს ჩემი ეს სიტყვები გულზე მოხვდეთ, მაგრამ ზოგადად სუსტი სქესი მაინც მოიკოჭლებს ამ საკითხში. თუმცა, ამ გაფრთხილებას აუცილებლად გავითვალისწინებ,“ - აღნიშნა ლელა წურწუმიამ.

http://primetimenews.ge/