2014-12-04 23:52

რუბლის გაუფასურებასთან ერთად რუსმა მეძავებმა სექსუალური მომსახურების ფასები გააძვირეს - ამის შესახებ "ნოვიი რეგიონის" ჟურნალისტი წერს და მაგალითებიც მოჰყავს.

ჟურნალისტი წერს, რომ მურმანსკის ესკორტ და ინტიმ-სალონებში მომსახურება 30-40%-ით გაძვირდა. მაგალითად, სალონ "მადლენში" ცოტა ხნის წინ იქაურ თანამშრომლებთან ორი საათის გატარება 3-დან 7 ათას რუბლამდე (დაახლოებით 120-დან 200 ლარამდე, - რედ.) ღირდა, ახლა კი ამ სიამოვნებისთვის უფრო მეტი თანხის გადახდა უწევთ:

"გარემოებამ გვაიძულა,მომსახურება 40%-ით გაგვეძვირებინა, მომავალში ვაპირებთ, რომ მომსახურება დოლარში გადავიყვანოთ", - განაცხადა "მადლენის" თანამშრომელმა. 

მომსახურება ძვირდება ასევე "მურმანსკის ინტიმის სამყაროში": "ჯერ ძველ ფასებს ვინარჩუნებთ, მომავალში კი ალბათ, გავაძვირებთ, გოგონებ ზარალზე ვერ იმუშავებენ", - აცხადებს სალონის მენეჯერი. 

ურალის სტუმრები და ადგილობრივები კი "ნაშა გაზეტას" ჟურნალისტთან ჩივიან ინტიმური მომსახურების ფასის ორჯერ გაზრდასთან დაკავშირებით. ეკატერინბურგელი მამაკაცები არცთუ დიდი სიხარულით შეხვდნენ ადგილობრივი მეძავების მხრიდან ტარიფის გაზრდას: მაშინ, როცა სულ რაღაც 6 თვის წინ 2-3 ათასის გადახდა უწევდათ, ახლა უკვე 7 ათასი რუბლის გადახდა უწევთ.