2014-05-15 13:50

თბილისის საერთაშორისო აეროპორტში  საქართველოს მოქალაქეს, ეთნიკურად ჩეჩენ საიხან მუზაევს ქვეყნის დატოვების უფლება ისევ არ მისცეს. მან ეს ფაქტი ადგილზე გააპროტესტა, შემდეგ კი ხელისუფლებას ბრალდებები წაუყენა. 

მუზაევმა განაცხადა, რომ ზეწოლის ქვეშ არის და აიძულებენ, ლაფანყურის საქმეზე, შინაგან საქმეთა ყოფილი მინისტრის მოადგილის, გია ლორთქიფანიძის წინააღმდეგ ცრუ ჩვენება მისცეს. 

ადვოკატი ამბობს, რომ ქართულ მხარეს მისი რუსეთისთის გადაცემა სურს, სადაც მასზე ძებნა მიმდინარეობს.

გუშინ, საპარლამენტო უმცირესობის წევრმა ირმა ნადირაშვილმა მუზაევი პარლამენტში მიიყვანა და გამოსვლისას აღნიშნა, რომ ამ მოქალაქის უფლებები ირღვევა და თუ ხელისუფლება არ ახდენს მასზე ზეწოლას, მას ხვალ საქართველოს დატოვების შესაძლებლობა უნდა მიეცეს.