2014-05-13 23:08

გადაცემა ,,არჩევანში“ საპარლამენტო უმრავლესობის წევრმა ეკა ბესელიამ მისი წარდგენისას გადაცემის წამყვანს გიორგი გაბუნიას ინტონაცია დაუწუნა.

“ბატონო გიორგი, თქვენ ისეთივე გამოთქმით ამბობთ უკვე ჩემ გვარს, როგორც ბოლო პერიოდში, გაბრაზებული ოთარ კახიძე ამბობს ხოლმე”, - მიმართა ბესელიამ გადაცემის წამყვანს.

“არანაირად, თქვენ რომ მხედავდეთ, ნახავდით, რომ სინამდვილეში ძალიან კეთილად ვიღიმი”, - უპასუხა გაბუნიამ.

ბესელიამ დააკონკრეტა, რომ მან წარდგენისას ინტონაციაზე გაამახვილა ყურადღება და არა სახეზე. ბესელია გადაცემაში ქუთაისიდან პარლამენტის შენობიდან ფარული მოსმენების შესახებ სასაუბროდ ჩაერთო.