-
2014-03-20 20:05
სპორტის პოპულარული სახეობის - მაგიდის ჩოგბურთის მოყვარულები იმედგაწბილებით შეხვდნენ ვიდეორგოლს, რომელიც მაგიდის ჩოგბურთში მსოფლიო ჩემპიონის, ამჟამად მერვე ჩოგანად ჩამოქვეითებული ტიმო ბოლისა და Kuka-ს მიერ შექმნილი მოაზროვნე რობოტის ორთაბრძლოას ასახავს.
დაპირებული ორთაბრძოლის ნაცვლად მაყურებელმა იხილა კარგად დადგმული, რეჟისორის მიერ ყველა დეტალის აწონ-დაწონვითა და კომპიუტერული ტექნოლოგიების გამოყენებით დამონტაჟებული სარეკლამო რგოლი, რომელიც სულაც არ ასახავს იმას, თუ როგორ შეიძლებოდა განვითარებულიყო მოვლენები ადამიანისა და რობოტის რეალური შერკინების დროს.
ამ სპორტის ფანატები, სპეციალისტები და ყოფილი მიმდევრები სხვადასხვა პორტალებზე წერენ, რომ ვიდეორგოლში ნამდვილია მხოლოდ ტიმო ბოლი, რობოტი კუკა და სპორტული ინვენტარი - სხვა ყველაფერი კი რეჟისორებისა და სხვა სპეციალისტთა ფანტაზიის ნაყოფია.
ანონსის მიხედვით კი კომპანია "კუკამ" საგანგებოდ შექმნა ე.წ. რობოტიზირებული ხელი, რომელიც 52 კგ მასის რობოტს წარმოადგენს, რათა მას მაგიდის ჩოგბურთი მსოფლიო ჩემპიონთან ეთამაშა. ვიდეორგოლის მიხედვით, თავდაპირველად ბოლი თამაშს 0:6 აგებს, მაგრამ შემდეგ, პოულობს რა "მოწინააღმდეგის" სუსტ წერტილებს, ზუსტი დარტყმებით ამცირებს ანგარიშის სხვაობას, გადის წინ და საბოლოოდ, იმარჯვებს კიდეც: 11:9. თუმცა, ვიდეოს გაშიფვრის შემდეგ სპეციალისტები და მაგიდის ჩოგბურთის მოყვარულები წერენ, რომ ეს ყველაფერი ფარსია, რადგან ბოლის მიერ ჩოგბურთის ბურთისთვის მიყენებული დარტყმის შემდეგ კუკას პასუხი და უკან გამოგზავნილი ბურთის მიმართულება და ტრაექტორია არ ემთხვევა იმას, რაც შესაძლოა, იყოს რეალობაში...
თუმცა, მოდით, თავად ნახეთ და შეაფასეთ...