რუსეთის საგამოძიებო კომიტეტის ხელმძღვანელის განცხადება იმის შესახებ, რომ უკრაინის პრემიერმინისტრი არსენ იაცენუკი ჩეჩნეტში ბოევიკების მხარდამხარ იბრძოდა და რუს სამხედროებს აწამებდა, ინტერნეტში ახალი ანეკდოტების წყაროდ იქცა.
უამრავმა ინტერნეტმომხმარებელმა ამ თემაზე დემოტივატორები და ფოტოკოლაჟები დაამზადა, ბევრმა სტატუსი მიუძღვნა, ზოგმა კი ანეკდოტები შეთხზა.
ერთერთმა უკრაინულმა პორტალმა სწორედ ანეკდოტები შეარჩია და მათგან ათი საუკეთესოს სია შეადგინა.
1. იაცენუკმა ხელყუმბარა ისროლა და 50 კაცი დახოცა. შემდეგ ხელყუმბარა აფეთქდა.
2. ერთხელ იაცენუკმა ავტობუსში დააცემინა. მხოლოდ სამი ადამიანი გადარჩა.
3. იაცენუკი სანადიროდ არ დადის, რადგან „ნადირობა“ წარუმატებლობასაც გულისხმობს. იაცენუკი მხოლოდ მოსაკლავად დადის.
4.იაცენუკი ყოველ დილით პურზე დანას ისვამს.
5. თუ თქვენ ხედავთ იაცენუკს, ისიც გხედავთ თქვენ. მაგრამ თუ თქვენ ვერ ხედავთ იაცენუკს, შესაძლოა, სიცოცხლის მხოლოდ რამდენიმე წამი გქონდეთ დარჩენილი.
6. რაც არ კლავს, იაცენუკი არ არის.
7. იაცენუკი აიძულებს ხახვს, იტიროს.
8. იაცენუკი არ ჭამს: ის კლავს ბოსტნეულს, ხილს, კლავს დაკლულ ძროხებს, ღორებსა და ფრინველებს.
