2015-06-23 18:38

"ლაიფნიუსი" იტყობინება, რომ ოდესის ოლქის პროკურორად  საქართველოს იუსტიციის ყოფილი მინისტრი, ზურაბ ადეიშვილი დაინიშნა. 

იგი რამდენიმე დღეში ოდესაში კიევიდან ჩავა. ზურაბ ადეიშვილი საქართველოს იუსტიციის მინისტრის პოსტს 2008-2012 წლებში იკავებდა. საქართველოში მის წინააღმდეგ სისხლის სამართლის საქმეა აღძრული. მასზე საერთაშორისო ძებნაც გამოცხადდა, თუმცა, მოგვიანებით ინტერპოლმა იგი ძებნილთა სიიდან ამოიღო. 

ადეიშვილი რამდენიმე თვის წინ უკრაინის ახალმა მთავრობამ ანტიკორუფციული ბიუროსა და გენერალური პროკურატურის მრჩევლად დანიშნა. ინფორმაცია ჯერჯერობით მხოლოდ რუსული წყაროებით ვრცელდება.

განახლებულია 20:29:07

ოდესის ოლქის ადმინისტრაციაში პროკურორად ზურაბ ადეიშვილის დანიშვნის შესახებ გავრცელებულ ინფორმაციას არ ადასტურებენ.