2013-11-05 14:17

ათონელის ქუჩაზე მდებარე შენობა, რომელშიც მომავალში პრეზიდენტის ადმინისტრაცია უნდა განთავსდეს, დასრულებულ სახეს გაზაფხულზე მიიღებს.

რეგიონული განვითარებისა და ინფრასტრუქტურის მინისტრის ინფორმაციით, სამუშაოები ინტენსიურად მიმდინარეობს და ის მომავალი წლის მაისში უნდა ჩაბარდეს:

“მშენებლობის ტემპები ნორმალურია, განსაკუთრებით დაჩქარდა ტემპი მას შემდეგ რაც პრობლემურ კომპანიას ჩაენაცვლა ჩვენი ქვემდებარე სახელმწიფო სამშენებლო კომპანია. პერიოდულად საზოგადოებას მივაწვდით ინფორმაციას მშენებლობასთან დაკავშირებულ საკითხებზე",- განაცხადა დავით ნარმანიამ.

შეგახსენებთ, რომ საქართველოს ახლადარჩეული პრეზიდენტის გიორგი მარგველაშვილის ინიციატივით პრეზიდენტის ავლაბრის რეზიდენციაში ქართულ-ამერიკული უნივერსიტეტი განთავსდება. ათონელის ქუჩაზე კი ახალი რეზიდენციის მშენებლობის დასრულებამდე კი პრეზიდენტი სახელმწიფო კანცელარიაში იმუშავებს.