2019-04-13 22:52

ქართველი მწერლის, პოეტის, სცენარისტისა და კინორეჟისორის, გოდერძი ჩოხელის სახლ-მუზეუმი გუდამაყარში

აშენდება.

მცხეთა-მთიანეთის გუბერნატორის ადმინისტრაციის ინფორმაციით, გოდერძი ჩოხელის მშობლიურ სოფელში სახლ-

მუზეუმისთვის ორსართულიანი შენობა აშენდება, მოეწყობა მწერლის პირადი კაბინეტი და ორი საგამოფენო

დარბაზი. 

ჩოხელს გამოცემული აქვს ლექსებისა და მოთხრობების კრებულები: „ბინდისფერი ხეობა“, „თევზის წერილები“,

„შემინახე, დედაო მიწავ!“, „სულეთის კიდობანი“, „არჩევნები სასაფლაოზე“ და რომანები: „მგელი“, „მღდვლის

ცოდვა“, „ადამიანთა სევდა“ და „სულეთის კიდობანი“. გოდერძი ჩოხელს გადაღებული აქვს თექვსმეტი მოკლე და

სრულმეტრაჟიანი ფილმი.

მათგან ერთ-ერთი ყველაზე ცნობილი ფილმი "ადამიანთა სევდაა", რომელიც ამავე სახელწოდების მოთხრობის 

მიხედვითაა გადაღებული. ფილმი კაცზე მოგვითხრობს, რომელიც ადამიანთა სევდას აგროვებს:"რა არის სიცოცხლე?

სიცოცხლე სევდაა, ადამიანად ყოფნის ტკბილი სევდა. და სიკვდილი რაღაა? სიკვდილიც სევდაა, ადამიანად არ

ყოფნის სევდა.".... 

მარიამ ნებიერიძე