2020-03-23 22:59

აზერბაიჯანმა კარანტინის სპეციალური რეჟიმი გამოაცხადა.

ხვალიდან, 24 მარტიდან, მთელი ქვეყნის მასშტაბით 65 წელს გადაცილებულ ადამიანებს ქუჩაში გასვლა აეკრძალებათ. კარანტინის ფარგლებში საზოგადოებრივი თავშეყრის ადგილებში ათზე მეტი ადამიანის შეკრება აიკრძალება.

ამასთან, ავტობუსების სპეციალური ხაზები საღამოს ათ საათამდე იმუშავებს. საქალაქთაშორისო სამგზავრო გადაადგილება კი აიკრძალება.

კორონავირუსის გავრცელების პრევენციის მიზნით, კარანტინის სპეციალური რეჟიმი 20 აპრილამდე გაგრძელდება.