2019-08-22 20:30

შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილ ხანძარს კვლავ ებრძვიან. კერძოდ, საგანგებო სიტუაციების მართვის სამსახურის ცნობით, ადგილზე მობილიზებულია სასაზღვრო პოლიციის 2 ვერტმფრენი, 10 სახანძრო და 3 სამაშველო მანქანა, ასევე, 9 დამხმარე ტექნიკა და 170 მეხანძრე-მაშველი.  ხანძარი 40 ჰექტარ ფართობზეა გავრცელებული. 

უწყების ინფორმაციით, ხანძრის ქრობას საველე შტაბიდან ხელმძღვანელობენ. ოპერაციაში ჩართულია შიდა ქართლის ყველა მუნიციპალიტეტის, სამცხე-ჯავახეთისა და თბილისის სახანძრო-სამაშველო ჯგუფები, რომლებიც უწყვეტ რეჟიმში მუშაობენ.