-
2017-07-21 00:08
გაეროში საქართველოს ახალგაზრდობის წარმომადგენელი თათია დოლიძე წერს, რომ მიიღო ინფორმაცია მთვარობის კანცელარიაში "ქართული მარშის" ერთერთი ორგანიზატორის გია კორკოტაშვილის ვიზიტის შესახებ.
თათია დოლიძე, რომელსაც გია კორკოტაშვილი "მარშის" სხვა ორგანიზატორებთან ერთად ჯგუფური გაუპატიურებით ემუქრებოდა, იმედოვნებს, რომ "ეს არაფერს ნიშნავს" და აცხადებს, რომ გამოძიებას ენდობა.
„მაქვს ინფორმაცია, რომ სხვა ტიპის საუბრებიც არის, საქართველო პატარა ქვეყანაა და სხვა გზითაც ხდება ხოლმე ადამიანებთან საუბარი, პირადი ურთიერთობების საფუძველზე.
დღეს მომივიდა ინფორმაცია, რომ კანცელარიაში ვიზიტი ქონდა ბატონ გია კორკოტაშვილს, მე ძალიან დიდი იმედი მაქვს, რომ ეს არაფერს არ ნიშნავს. იმიტომ რომ მე ჯერჯერობით ძალიან კმაყოფილი ვარ გამოძიების პროცესით და სასამართლოს იმედი მაქვს.“- განაცხადა თათია დოლიძემ.
შეგახსნებთ ე.წ „ქართული მარშის“ ორგანიზატორებმა სოციალურ ქსელში თათია დოლიძის მისამართით, რომელმაც „მარში“ გააკრიტიკა, გაუპატიურების მუქარის შემცველი შინაარსის კომენტარები გაავრცელეს. აღნიშნულ საქმეზე გამოძიებაც დაიწყო და „ქართული მარშის“ რამდენიმე ორგანიზატორი, ასევე, მუქარის ადრესატი დაიკითხნენ.