2017-07-06 12:26

თბილისის ზღვასთან მომხდარი ავტოავარიის შედეგად ორი ადამიანი დაიღუპა და ორიც - დაშავდა. 

მაშველებმა დაშავებული 2 ადამიანი ზღვიდან ამოიყვანეს და ამჟამად მათი ჯანმრთელობის მდგომარეობა სტაბილურია.

მომხდარზე გამოძიება საქართველოს სისხლის სამართლის კოდექსის 276 მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების, ან ექსპლუატაციის წესის დარღვევას ნიშნავს და ისჯება თავისუფლების აღკვეთით ვადით 6-დან 10 წლამდე, თანამდებობის დაკავების, ან საქმიანობის უფლების ჩამორთმევით ვადით 3 წლამდე.