გონიოში, სწავლების დროს გაუჩინარებული ორი ჯარისკაცის საკითხს ეხმიანება "ფეისბუქში" ალექსანდრე ჩიტიშვილი და როგორც სამხედრო საკითხებში ჩახედული პირი, მომხდარის მისეულ ვერსიას ასაჯაროვებს. მისი თქმით, მომხდარი უპასუხისმგებლობისა და არაპროფესიონალიზმის შედეგია, რის გამოც თავდაცვის სამინისტროს მაღალჩინოსნებმა პასუხი უნდა აგონ.
"ბათუმში, კერძოდ გონიოში დატრიალებულ ტრაგედიას, ასე ადვილად გვერდს ვერ ავუვლით. საიდუმლო ვითარებაში ზღვაში დაიხრჩო ორი ახალგაზრდა ჯარისკაცი. ეს ჯარისკაცები, სწავლობდენ პროფესიას, რომელიც სწორედაც წყალში ექსტრემალურ, სამაშველო სამსახურთან არის პირდაპირ კავშირში.
ეს ორი ახალგაზრდა კურსანტი არის მსხვერპლი არაპროფესიონალიზმისა და დაუდევრობის, მათი ზემდგომი ორგანოების მიერ. დაივერობა ძალიან რთული პროფესია გახლავს და ეს პროფესია არ გახლავს, რუსულ ჯარში სამზარეულოში, კარტოფილის გასაფცქვნელად, ან პურის მჭრელად მუშაობა. ბათუმში დისლოცირებული ეგრედწოდებული საზღვაო კოტიკების რაზმი, წინა მთავრობის დროს აღჭურვილი იყო თანამედროვე მცურავი საშუალებებით, უახლესი ტექნიკით და პროფესიონალი ინტრუქტორებით იყო დაკომპლექტებული.
რა ხდება ეხლა: ტექნიკა განადგურებული და წყობიდან გამოსულია, კატარღები ნაპირზე ყრია და მათი არც შეცვლა ხდება 4 წელია და არც შეკეთება. ეს სამხედრო ნაწილი დაკომპლექტებულია, არა პროფესიონალებით, ბიძაშვილ მამიდაშვილობის პრინციპით, ადგილობრივი ახალგაზრდებით, რომლებსაც სახლთან ახლოს უნდათ სამსახური.
როგორ დატრიალდა ტრაგედია გონიოში? ამას თავისი ახსნა აქვს. როცა წყალში 10 მეტრის სიღმეზე ან უფრო ღრმად კურსანტს უშვებ, აუცილებლად უნდა ქონდეს, სათადარიგო ჰაერის ბალონი, იქვე უნდა ტრიალებდეს ინსტრუქტორი, რომელიც აუცილებლად უნდა იყვეს პროფესიონალი და არა ბიძაშვილობით შერჩეული. კურსანტ დაივერს, უნდა ქონდეს მობმული თოკი, რომლის ბოლოც გემზე უნდა იყვეს მიმაგრებული. ჩვენს შემთხვევაში ზღვაზე მცურავი საშუალებაც კი არ ყავდათ, რაც უკვე დანაშაულია, არ ქონდათ სათადარიგო ბალონები და საერთოდ, ნაპირიდან იყვნენ დაივერები შესული ზღვაში.
მოკლედ საქმე გვაქვს სამხედრო დანაშაულთან და არა დაუდევრობასთან. კატარღები არ გამოიყვანეს იმიტომ რომ საწვავს გაუფრთხილდენ, თუ საწვავი გაიყიდა და ჩამოწერეს ვითომ სავარჯიშოდ ზღვაში გასვლაზე. მოკლედ დასასჯელია თავდაცვის სამინისტროს მთელი შემადგენლობა, გენშტაბის უფროსის მეთაურობით, მინისტრით დამთავრებული. იზორია ანუგეშებდა დაღუპულის მშობლებს, შემდეგი სიტყვებით, მე თვითონ ვიქნები იმ გემზე, რომელიც მოძებნის თქვენს დაღუპულ შვილებსო, მაგარი შეღავათია ბატონებო...
სწორედაც ამდენი მცურავი საშუალებები უნდა ყოლოდათ ზღვაში... როცა გამოუცდელ ახალგაზრდებს ზღვის სიღრმეში უშვებ, შემდეგ ცრემლიანი თვალები არ შველის", - წერს ალექსანდრე ჩიტიშვილი.
