კიკეთში თანატოლის მიერ დაჭრილი ნიკა ნატროშვილის მდგომარეობა სტაბილურად მძიმე რჩება. გაირკვა, რომ ა.შ.შ.-ში, კლივლენდის კლინიკა თანახმაა, ურთულესი ოპერაცია ჩაუტაროს ნიკუშას, მაგრამ სამწუხაროდ, საკმარისი თანხის უქონლობის გამო ჯერ-ჯერობით ეს საკითხი ადგილიდან არ დაძრულა.
განახლდა კამპანია ნიკუშას გადასარჩენად. "ფოსტალიონი" აქვეყნებს ინტერვიუს ნიკას დედასთან:
„ეს დღეებია, ნიკუშა სულ სხვანაირი გახდა. მას უკვე დეპრესია ჰქონდა, ინტერესი ჰქონდა დაკარგული ყველაფრის მიმართ, მაგრამ კლივლენდის კლინიკიდან პასუხმა გამოაცოცხლა. თან ასეთი ერთობა რომ დაინახა, იმედი ჩაესახა და უკვე დღეებს ითვლის, როდის წავალთ საოპერაციოდ. ახალგაზრდების მოსვლამაც ძალიან გაახარა , იღიმება. ამ ცხრა თვის მანძილზე, მაგის თავს გეფიცებით, პირველად ვნახე ეგეთი“, - ამბობს რუსუდან ბოჭორიშვილი.
ნიკუშა ნატროშვილის დახმარების მსურველებისთვის :
საბანკო ანგარიშები:
GE65PC0483600400001007 GEL ProCredit Bank მიმღები რუსუდან ბოჭორიშვილი
Swift MIBGGE22
საქველმოქმედო საიტი, სადაც შეგიძლიათ, თნხის ჩარიცხვა ბარათიდან: http://www.gofundme.com/iwcd0g
12 მარტს, სპორტის სასახლეში საქველმოქმედო ფონდის “ცხოვრება მშვენიერია”-ს და “ახალგაზრდა მთავრობის” ხელმძღვანელობით ტარდება გალა კონცერტი, სადაც ქართველმა შემსრულებლებმა გამოთქვეს მონაწილეობის სურვილი.
კონცერტში მონაწილეობას მიიღებენ:
ფრანი, მგზავრები, რობი კუხიანიძე (აუთსაიდერი), გიო ხუციშვილი , დათო ხუჯაძე, ნიკოლშოუ, 33ა, ჯგუფი ლენდი და ქუჩის ბიჭები, loudspeakers, Shaly, ოთიკო ანდრიაძე თავის ბენდთან ერთად და ბაკურ ბურდული და ბევრი სხვა მომღერალი.
ბილეთების შეძენა შესაძლებელია www.biletebi.ge -ზე . 7-8 მარტიდან კი სპორტის სასახლის სალაროებშიც გაიყიდება.