2015-03-07 22:41

გავრცელებული ინფორმაციით, დღეს, გამთენიისას, ნიუ-ჯერსში ავტოავარიაში ორი ქართველი სამხედრო კურსანტი დაიღუპა.

„ინტერპრესნიუსთან“ საუბარში ამერიკაში საქართველოს საელჩოს სამხედრო ატაშემ ვეფხია ჩალადაშვილი აღნიშნა, რომ ქართველი კურსანტები ნიუ-ჯერსში, სამხედრო აკადემიაში სწავლობდნენ.

მათი ასაკი 20-23 წელია.

„დაღუპულთა ვინაობის შესახებ ინფორმაციას საქართველოს თავდაცვის სამინისტრო გაავრცელებს“, - განაცხადა ვეფხია ჩალადაშვილმა.

მისივე თქმით, იგი ვაშინგტონიდან ნიუ-ჯერსში შემთხვევის ადგილზე მიემგზავრება და დამატებით დეტალებს ადგილზე გაარკვევს.