-
2015-02-16 14:10
როგორც თეა წულუკიანი აცხადებს, ქალისთვის მინისტრის თანამდებობა ძალიან დიდი ტვირთია.
იუსტიციის მინისტრი რჩევას აძლევს ქალებს, რომლებიც პოლიტიკაში წასვლას გეგმავენ, ჯერ ოჯახი შექმნან.
„რაც მინისტრად დავინიშნე, ჩემი ცხოვრება რადიკალურად განსხვავდება ადრინდელისგან.
ბევრს მინისტრობა ფუფუნება ან რაიმე ტიპის კომფორტი ჰგონია. მაგრამ სხვაა, თუკი ამას მხოლოდ საქმისადმი ინტერესიდან გამომდინარე აკეთებ და ეს ჩემი შემთხვევაა.
საქართველოს პოლიტიკურ ცხოვრებაში ჩართვა ქალისთვის არ არის ადვილი, ჯერ დაწყება და მერე თავის დამკვიდრება ძალიან რთულია. ერთადერთი ფატალური შეცდომა არის ის, რომ პოლიტიკაში წასვლამდე უნდა შემექმნა ოჯახი და ამას ვნანობ.
ქალებს, რომლებიც პოლიტიკაში წავლენ, ამის გათვალისწინებას ვურჩევდი. როცა მექნება დრო, აუცილებლად ჩამოვწერ 10-15 წესს იმისთვის, როგორ უნდა გადარჩეს ქალი პოლიტიკაში და იმავდროულად, დარჩეს ქალად. მთავარი წესი კი ოჯახის შექმნაა მანამდე, სანამ საკუთარ თავს პოლიტიკას მიუძღვნი...
რაც არ უნდა სასაცილო იყოს, მიყვარს გემრიელად ჭამა. მიყვარს ხორცი, ხინკალი და კუპატი ჩემი საყვარელი კერძებია. ხინკლის მომზადებაც შემიძლია და კუბდარისაც, მაგრამ რაც მინისტრის თანამდებობაზე ვარ, სამზარეულოში მხოლოდ ყავის ან ჩაის დასალევად ვახერხებ შესვლას.
შოპინგზე, დროის დეფიციტის გამო, იძულებით მივდივარ, როცა ტანსაცმელი გამიცვდება. სალონში მისვლას ვახერხებ თმის შესაჭრელად და შესაღებად. როგორც ყველა ჩინოვნიკს, მაწუხებს ზურგის ტკივილი და როცა ცოტა დრო მაქვს, იოგას ვარჯიშებს ვაკეთებ“, “, - აღნიშნა თეა წულუკიანმა ჟურნალ „რეიტინგთან“ ინტერვიუში.