2014-05-06 18:19

იუსტიციის მინისტრის განცხადებით,  თუ დადგინდა, რ ომ ფარული მოსმენები ტელეკომპანია ,,რუსთავი 2“ –ში მართლაც მიმდინარეობდა, დამნაშავეები კანონის სრული სიმკაცრით დაისჯებიან.

წულუკიანმა კმაყოფილება გამოთქვა იმის გამო, რომ ტელეკომპანიის გენერალურმა დირექტორმა ბოდიში მოიხადა, იმ  ფარული მოსმენებისთვის, რომელსაც წინა ხელისუფლებასი მისი ყოფნის დროს ჰქონდა ადგილი.

 „ჩვენი მთავრობის პოზიცია ადამიანის უფლებების დაცვის კუთხით ურყევია. ადამიანის უფლებების ერთ-ერთი კომპონენტი გახლავთ გამოხატვის თავისუფლება, პირადი ცხოვრების ხელშეუხებლობა და ყველა ის კომპონენტი, რომელიც კავშირშია შემდეგ აკრძალვასთან. არ შეიძლება ვინმეს უსმენდე უკანონოდ. თუ ეს სიმართლეა, პროკურატურამ უნდა გამოიძიოს და ავტორები მკაცრად უნდა დაისაჯონ. როდესაც ბატონი გვარამია ამ კულტურის, ფარული მოსმენების და მიყურადების დამმკვიდრებელი, როგორც ჩანს ვერ აცნობიერებდა რა ზიანი ადგებოდა ჩვენს ქვეყანაში დემოკრატიას, კარგია, რომ ბოდიში მოიხადა“, - განაცხადა წულუკიანმა.