2014-05-06 16:12

,,ერთიანი ნაციონალური მოძრაობა“  არჩევნებში 5 ნომრით აღარ იქნება წარდგენილი. პარტია  ,,ცესკო“–ს ამ გადაწყვეტილებას გაასაჩივრებს.

როგორც დავით ბაქრაძემ დღეს ბრიფინგზე განაცხადა, პარტიაში ფიქრობენ, რომ მიზეზი, რის გამოც 5 ნომრის  მინიჭებაზე უარი თქვა ,,ცესკომ“ ხელისუფლების  ზეწოლაა.

,,ჩვენ ვაპირებთ შევქმნათ ტექნიკური ბლოკი ,,ქრისტიან კონსერვატიულ პარტიასთან", რაც არ აწყობს ხელისუფლებას. ამიტომ ბოლომდე ყველაფერი გააკეთა, მაგრამ  ბლოკი მაინც დარეგისტრირდა. ახლა კი ცნობილი გახდა, რომ  მიღებულია გადაწყვეტილება, ამ საარჩევნო ბლოკს არ მიენიჭება ნომერი 5. ის ნომერი, რომლითაც ყველა არჩევნებზე გამოდიოდა ,,ნაციონალური მოძრაობა“, ამის არანაირი იურიდიული საფუძველი არ არსებობს,“–განაცხადა ბაქრაძემ.

თუ რა ნომერი ექნება პარტიას თვითმარტველობის არჩევნებში ჯერ ცნობილი არ არის.