2014-12-09 19:09

ლარი დოლართან მიმართებით უკვე ორი დღეა, მყარდება. "ეროვნული ბანკის" ბოლო მონაცემებით, ლარის კურსი დოლართან მიმართებით დღესაც გამყარდა და 1.92 შეადგინა.

ლარი, გუშინდელ მაჩვენებელთან შედარებით, ორი ერთეულითაა გამყარებული. შეგახსენებთ, რომ ლარმა გაუფასურება წინა კვირას დაიწყო და პარასკევს 1$, "ეროვნული ბანკის" მონაცემებით, 1,95 ლარი იყო. სავალუტო ჯიხურები კი ერთ დოლარს 2 ლარად და 5 თეთრად ყიდდნენ. 

ექსპერტი, ეროვნული ბანკის ყოფილი პრეზიდენტი რომან გოცირიძე ლარის გამყარებას ეროვნული ბანკის მიერ 40 მილიონი დოლარის გაყიდვით ხსნის.