2014-05-05 01:24

შს გენერალური ინსპექციის ყოფილი უფროსი, სამეგრელო-ზემო სვანეთის ყოფილი გუბერნატორი თენგიზ გუნავა საქარტველოს შს მინისტრსა და მთავრობას მიმართავს და აცხადებს, რომ ის, რაც დღეს კრიმინალის გახშირების კუთხით ქვეყანაში ხდება, მათ უკან "ძალიან ცუდად" დაუბრუნდებათ.

"მივმართავ შს მინისტრს და მოქმედ ხელისუფლებას!!!

დაგხვდათ თუ არა აწყობილი სისტემა და დანაშაულებრივი სამყაროს მოქმედებები აღკვეთილი? ბოლო წლების მანძილზე როდის გაიგონეთ ქუჩური გარჩევების შესახებ?

დღესდღეობით მდგომარეობა სრულიად უმართავია და სისტემაც უსუსური! სამწუხაროდ ჩვენი მთავრობის დიდ მონაპოვარს, მოქალაქეების კანონმორჩილ საზოგადოებად ჩამოყალიბებას ძირს უთხრით მიზანმიმართულად!!!

კოდუასა და წიკლაურზე თავდასხმა ერთი და იგივე ხელწერით მოხდა! პოლიცია არ პატრულირებდა, კამერები ირგვლივ რატომღაც გამორთული აღმოჩნდა, თავმდამსხმელები იყვნენ შეიარაღებულები ასევე ელექტროშოკები ქონდათ, მოქმედებდნენ თავისუფლად!

ფაქტია, რომ შეგნებულად იგეგმება და სრულდება თავდასხმები! სრული პასუხისმგებლობით ვაცხადებ, ეს კარგად არ დაგიბრუნდებათ!

კოდუას, წიკლაურის და მითუმეტეს, თათუხაშვილის თითოეულ წვეთ სისხლს, საკუთარი სიცოცხლის ფასადაც რომ დაგვიჯდეს, გაზღვევინებთ კანონის სრული სიმკაცრით!!!

მიხედეთ ბანდიტებს!!!", - წერს თენგიზ გუნავა "ფეისბუქზე".