2013-11-11 13:47

რეგიონული განვითარებისა და ინფრასტრუქტურის მინისტრის განცხადებით, ვიწრო ჯგუფმა სოჭის ოლიმპიადაზე საქართველოს მონაწილეობის საკითხი უნდა განიხილოს.

მისივე თქმით, ჯგუფში ის ორგანიზაციები უნდა შევიდნენ და სამინისტროები, რომლებსაც ეს საკითხი კონკრეტულად ეხებათ.

"უნდა შეიქმნას ვიწრო ჯგუფი, რომელშიც შევა ის სამინისტროები და ორგანიზაციები, რომლებსაც კონკრეტულად ეხებათ აღნიშნული საკითხი, მაგალითად, როგორიც არის საგარეო საქმეთა სამინისტრო, სპორტისა და ახალგაზრდულ საქმეთა სამინისტრო. უნდა ჩაერთოს პრეზიდენტი და პრემიერ-მინისტრი, კარგად უნდა განიხილოს დადებითი და უარყოფითი მხარეები და გადაწყვეტილება ამის შემდეგ უნდა იქნას მიღებული", - განაცხადა ნარმანიამ.