-
2013-10-29 15:05
"ნაციონალური მოძრაობის" საპრეზიდენტო კანდიდატი, დავით ბაქრაძე, facebook-ის მეგობრებსა და გვერდის მომხმარებლებს მიმართავს:
"ჩემო ძვირფასო Facebook მეგობრებო !
უპირველესად, მადლობას გიხდით ნდობისთვის, მხარდაჭერისთვის, თითოეული თქვენი შეტყობინებისა თუ კომენტარისთვის, რომელიც მაძლიერებდა და დღეს იმედს მაძლევს, რომ მომავალშიც არ დავნებდე. გულწრფელი მადლობა იმისთვის, რომ ჩემი ირწმუნეთ და მთელი საპრეზიდენტო კამპანიის ფარგლებში ერთად ვიდექით.
ბრძოლა არ დამთავრებულა.
ჩვენ ამ გზით კიდევ ერთხელ დავანახეთ მსოფლიოს, რომ საქართველოს ევროპული გზა შეუქცევადია. ამავე დროს, მინდა კიდევ ერთხელ შეგახსენოთ, ამ არჩევნებით დავამტკიცეთ, რომ "ერთიანი ნაციონალური მოძრაობა" ყველაზე ძლიერი ოპოზიციური პარტიაა.
მე არც ახლა დავივიწყებ ჩემს დანაპირებს და გპირდებით, რომ გავაკეთებ ყველაფერს ქართველი ხალხის ინტერესების საკეთილდღეოდ და იმისთვის, რომ თითოეული დაპირება შესრულდეს და ხალხმა უკეთ იცხოვროს.
მინდა გულითადი მადლობა გადაგიხადოთ ერთად დგომისთვის.
წინ კიდევ ბევრი ბრძოლა გველოდება და ჩემი ღრმა რწმენით, ეს ბრძოლა გამარჯვებით დასრულდება ! ! !" - წერს ბაქრაძე.