2014-05-02 21:34

ქალაქ გორლოვკის ცენტრიდან ცეცხლსასროლი იარაღით შეიარაღებულმა პირებმა საქართველოს მოქალაქე გაიტაცეს, - ამის შესახებ მისი მეგობრები ინფორმაციას „ფეისბუქზე“ ავრცელებენ.

შემთხვევა დაახლოებით 40 წუთის წინ მოხდა. თვითმხილველთა აღწერის მიხედვით, საქართველოს მოქალაქე ვასილ ბუდიკი კრასნოშაპკის ქუჩაზე მდებარე მაღაზია „ბატონის“ შესასვლელიდან გაიტაცეს: მას იარაღის მუქარით აიძულეს მანქანაში ჩამჯდარიყო, რომელიც გაურკვეველი მიმართულებით წავიდა.

მეგობრები ითხოვენ, რომ სასწრაფოდ მიაწოდონ ინფორმაცია უკრაინაში საქართველოს საელჩოს.

„აფხაზეთის ხმამ“ გაარკვია, რომ გატაცებული მამაკაცი წარმოშობით სოხუმელი დევნილი, ეროვნებით უკრაინელი საქართველოს მოქალაქეა დააფხაზეტში საომარი მოქმედებების დასრულების შემდეგ უკრაინაში, გორლოვკაში ცხოვრობს. უკრაინაში საპროტესტო გამოსვლების დაწყების დღიდან ის და მისი მეუღლე ნატალია ბუდიკი ევრომაიდნის აქტიური მხარდამჭერები არიან.