2014-05-02 14:09

აზერბაიჯანში რუსეთის საელჩომ რუსეთის ფედერაციის მოქალაქეობის მიღების მსურველებს მოუწოდა, საკონსულო სამსახურს მიმართონ.

გამარტივებული წესით რუსეთის ფედერაციის მოქალაქეობის მიღების წესებში განმარტებულია, რომ 18 წელს მიღწეულ უცხო ქვეყნის მოქალაქეებს, ასევე პირებს, რომლებსაც არა აქვთ მოქალაქეობა, შეუძლიათ განცხადებით მიმართონ საკონსულოს.

განმცხადებელმა უნდა დაამტკიცოს, რომ ცხოვრობდა სსრ კავშირის შემადგენლობაში მყოფ ქვეყანაში და უნდა გაიაროს ტესტირება რუსულ ენაში.

შეგახსენებთ, რომ ცოტა ხნის წინ რუსეთის პრეზიდენტმა ვლადიმირ პუტინმა ხელი მოაწერა ბრძანებულებას, რომელიც ყოფილი სსრ კავშირის ქვეყნებში მცხოვრები მოქალაქეებისთვის რუსეთის მოქალაქეობის მინიჭებას გამარტივებული წესით ითვალისწინებს.

შეგახსენებთ, რომ რუსეთმა ზემოთაღნიშნული პროცესი საქართველოშიც დაიწყო.