2014-07-23 09:38

საქართველოს პრეზიდენტმა გიორგი მარგველაშვილმა ტელეკომპანია „კავკასიის“ ეთერში განაცხადა, რომ ხელისუფლების მხრიდან გამოცხადებული მორატორიუმის პირობებში  ოპოზიციის ლიდერის დაკავებას არ ეთანხმება.

„ჩემთვის არ იყო სასიამოვნო, რომ მაინცდამაინც მორატორიუმის მომენტში დააკავეს გიგი უგულავა. არა იმიტომ, რომ მე ამას პოლიტიკურ დევნად მივიჩნევ, არამედ პოლიტიკური თვალსაზრისით არის არასწორი, გამოაცხადო მორატორიუმი და შემდეგ დააპატიმრო.

მორატიუმი, ეს არის რაღაცა დამატებითი ქმედება, რომლის ვალდებულებაც ხელისუფლებამ აიღო საკუთარ თავზე არჩევნების დროს. რა თქმა უნდა, ეს ჩემთვის, ჩემი აზრით, იყო შეუსაბამობა იმ განცხადებასთან, რომელიც მორატორიუმით განხორციელდა, მაგრამ რომ ვთქვა, რომ აქედან გამომდინარე, გიგი უგულავას პოლიტპატიმრად მივიჩნევ, ასეთი შეგრძნება არ მაქვს.

კიდევ ერთხელ ვიტყვი, ვუყურებ სასამართლოს, იმ პროცესებს, რომელიც მიმდინარეობს სასამართლოში და იქიდან გამომდინარე გავაკეთებ ჩემს გადაწყვეტილებებს და განცხადებებს", - აღნიშნა გიორგი მარგველაშვილმა.